MEDITRINA Наватак гино, 30 таблети

• Мачнина и повраќање се јавуваат кај голем број жени во раната бременост. До 85% од жените може да имаат мачнина и повраќање во првиот триместар од бременоста⁽¹⁾. Најчесто симптомите се повлекуваат пред петтиот гестациски месец. Вистинската причина за мачнината и повраќањето останува необјаснета и веројатно се должи на повеќе фактори⁽²⁾. Мачнината и повраќањето во бременост можат ефикасно да се третираат со лекови познати како антиеметици⁽²⁾. Сепак, многу жени внимаваат во врска со употребата на лекови, плашејќи се да не го оштетат фетусот, особено поради тоа што мачнината и повраќањето најчесто се појавуваат во текот на чувствителниот период од органогенезата на ембрионот. Поради тоа, употребата на не-медицински лекови и билни екстракти за време на бременоста е многу распространета^{(3) (4)}.
• Администрацијата на витамин Б6 е ефикасен првичен третман при мачнина предизвикана од бременост. Испитувањата покажуваат дека употребата на витамин Б6 при мачнина и повраќање предизвикани од бременост значително ги намалува симптомите^{(5) (6) (7) (8) (9) (10) (11) (12) (13)}. Во клиничките испитувања нема појавено оштетување кај мајката или фетусот при употреба на витамин Б6^{(14) (15)}. Во упатствата од 2015 издадени од Американскиот колеџ за акушери и гинеколози се препорачува употреба на витамин Б6 како првична терапија против мачнина и повраќање при бременост. Препораката се базира на научни докази (ниво А)⁽¹⁶⁾. Дозата на витамин Б6 против мачнина и повраќање во бременост е од 10-75 мг дневно⁽¹⁷⁾.
• Ѓумбир (Ginger, Zingiber officinale) Уште од старите времиња ѓумбирот се користел како билен лек за третман на повеќето примарни гастроинтестинални заболувања како на пример мачнина, повраќање, дијареја и диспепсија. Дејството на ѓумбирот при мачнина и повраќање во бременост се должи на активните состојки наречени џинџероли. Концентрацијата на џинџероли во даден екстракт од ѓумбир е клучна за неговата ефикасност. Како пример, условот на Американската Фармакопеа за џинџеролите на ѓумбиро е не помалку од 0.8%⁽¹⁸⁾. Влијанието на употребата на ѓумбир при мачнина и повраќање во бременост е испитувано во клинички студии во последните 30 години^{(7) (8) (9) (10) (11) (13) (20) (21) (22) (23) (24)}. Како дополнение на антиеметските карактеристики, ѓумбирот делува на гастроинтестиналниот тракт со зголемување на гастричниот тонус, подвижност и празнење^{(25) (26) (27) (28)}. Неодамна се објавени две мета-анализи на рандомизирани клинички студии. Првата ревидирала шест студии извршени помеѓу 1991 и 2009. 508 бремени жени биле одредени да земаат ѓумбир или плацебо⁽²⁹⁾. Втората ревидирала дванаесет студии од 1991 до 2011. 1278 бремени жени биле одредени да земаат ѓумбир или плацебо⁽³⁰⁾ Авторите и на двете мета-анализи заклучиле дека ѓумбирот е ефикасна не-фармаколошка опција против мачнина и повраќање во бременост. Во извештајот од 2011 година на Европската Медицинска Агенција (ЕМЕА), при описот на употребата на ѓумбирот во превенција на мачнина и повраќање се вели: „Согласно отштите упатства на клиничката документација се препорачува добро воспоставена употреба на корен од ѓумбир при превенција на мачнина и повраќање предизвикани од бременост "⁽³¹⁾. Употребата на ѓумбир при третман на мачнина и повраќање предизвикани од бременост се смета безбедна и за мајката и за фетусот^{(31) (32) (33)}. Во поглавјето, „Безбедност при бременост“ од извештајот на Европската Медицинска Агенција (EMEA) пишува дека: „Планираните испитувања на ѓумбирот не пронајдоа повисока инциденца на несакани резултати во бременост"⁽³¹⁾. Американската агенција за храна и лекови го вклучува ѓумбирот во листата на храна општо признаена како безбедна (ГРАС) за човечко консумирање⁽³²⁾.
• Артичока (Artichoke, Cynara scolymus) Екстрактот од артичока се употребувал во традиционалната европска медицина уште од античко време за третман на гастроинтестинални нарушувања како варење, горушица, гадење, надуеност и гасови. Екстрактот од артичока исто така се користи за поттикнување на лачење на жолчката и следствено на тоа варење на масти⁽³⁴⁾. Дејството на артичоката врз дигестивниот систем се должи на активните компоненти наречени хлорогени киселини⁽³⁵⁾. Концентрацијата на хлорогени киселини во даден екстракт од артичока е клучна за неговата ефикасност. Ефектите на екстрактот од артичока врз диспепсија и гастроинтестинални проблеми се испитувани во многу клинички испитувањa. Повеќе од 2000 испитаници биле испитувани во овие студии^{(36) (37) (38) (39) (40) (41) (42) (43) (44)}. Артичоката се смета како безбедна билка за консумација. Во извештајот од испитувањето од 2011 на Европската Медицинска Агенција (ЕМЕА), при описот на употребата на артичока при диспепсија и гастроинтестинални проблеми се забележува дека: „Само мали несакани дејствија беа пријавени во сите клинички испитувања. Затоа, 60 однос на клиничката безбедност, фармацевтските форми се прифатливи"^(35).
• Горушица и киселински рефлукс се вообичаени нарушувања кај бремени жени. Се проценува дека преваленцата на горушица и киселински рефлукс во бременост е од 40% до 85%^{(45) (46) (47) (48) (49)}. Се смета  дека комбинација од наследни фактори играат важна улога за започнување на гастроезофагеален рефлукс во бременост: намален притисок на долниот езофагеален сфинктер, промена во гастроинтестиналниот транзит поради хормонални промени и зголемен интра-гастричен и интра-абдоминален притисок како дополнение на зголемената матка. Почетокот на горушицата и киселински рефлукс може да се случи во било кое време во текот на бременоста и се влошува како што бременоста напредува. Во една студија на 510 бремени жени, преваленцата на симптоми на гастроезофагеален рефлукс се зголемила од 26,1% во првиот триместар до 36,1% во вториот и 51,2% во третиот триместар од бременоста. Преваленцата на истите симптоми кај жени од истата група кои не биле бремени била 9,3%⁽⁴⁹⁾. Во друга студија на 82 бремени жени, 76% имале горушица и 71% регургитација во третиот семестар од бременоста, додека 70% биле асимптоматски пред бременоста⁽⁵⁰⁾. Неодамнешни податоци посочуваат дека бремени жени со горушица и киселински рефлукс може да имаат посериозна мачнина и повраќање⁽⁵¹⁾. При студија на 194 бремени жени, сериозноста на мачнината и повраќањето беа значително поврзани со симптоми на горушица и киселински рефлукс. Горушица и рефлукс беа пријавени кај 75% од жените со сериозна мачнина и повраќање во споредба со 48% од жените со блага мачнина и повраќање. Разликата беше статистички значајна (р<0,0001)⁽⁵²⁾. При студија на 710 бремени жени, сериозноста на мачнината и повраќањето беа значително поврзани со симптоми на горушица и киселински рефлукс. Горушица и рефлукс беа пријавени кај 71,9% од жените со сериозна мачнина и повраќање во споредба со 58,1% од жените со блага мачнина и повраќање. Разликата беше статистички значајна (p <0,02)⁽³³⁾. Во друга студија на 60 бремени жени со мачнина и повраќање, третманот со антациди против горушица и киселински рефлукс ја намали сериозноста на мачнината и повраќањето за 33% и ја зголеми генералната благосостојба за 70%. И двата резултати беа статистички значајни (р<0,0001)⁽⁵⁴⁾. Зголемен број докази посочуваат дека горушица и киселински рефлукс за време на бременост може да создадат предиспозиција за појава на гастроезофагеална рефлуксна болест (GERD) по бременоста^{(55) (56)}. При студија на 1180 бремени жени, преваленцата на GERD се зголемила од 6,4% при првата бременост со горушица на 36,1% при повеќе од две бремености со горушица и од 5,3% при првата бременост со киселински рефлукс на 29,3% при повеќе од две бремености со киселински рефлукс. И двата резултати беа статистички значајни (р<0,001)⁽⁵⁶⁾.
• Алгинска киселина (Alginic acid)/ Калциум карбонат (Calcium carbonate)/ Калиум бикарбонат (Potassium bicarbonate): Алгинската киселина е добиена од екстракт од морски алги. Алгинската киселина е 100% природен производ, нетоксична и безбедна за човечка употреба. Широко се користи за подобрување на карактеристиките на храната. Алгинска киселина ги апсорбира гастричните течности со кои доаѓаат во контакт и брзо набабрува создавајќи гел- кој лебди на содржината на желудникот. Алкализирачките компоненти (калциум карбонат и калиум бикарбонат) остануваат заробени во алгинскиот слој и имаат само мал ефект врз киселоста на желудечниот сок на желудникот. Слојот од гел помага во спречување на рефлукс на гастричните сокови во хранопроводот. Алгинскиот слој-гел влегува во хранопроводот пред гастричните сокови. Гелот го премачкува и штити хранопроводот, неутрализирајќи го иритирачкиот ефект на течностите на гастричниот рефлукс^{(57) (58)}. Апсорпцијата на алгинска киселина е незначителна. Не влегува во системската циркулација. Нејзиното дејство е локално за желудникот и хранопроводот. Поради физичкиот начин на дејствување и долгорочното искуство, алгинската киселина се смета безбедна за употреба во бременост. Американската агенција за храна и лекови ја класифицира алгинската киселина во листата на храна општо признаена како безбедна (ГРАС) за човечко консумирање^(59).

¹Тестирање на Хиперемесис Гравидарум и мачнина и повраќање за време на бременост: Систематски преглед. JAMA 2016, 316, 1392-1401.

²Мачнина и повраќање во бременост. Gastr Clin North Am 2011, 40, 309-334.

³Интервенции за мачнина и повраќање во рана бременост. Cochrane Syst Rev 2014, 3, CD007575

⁴Употреба на болни лекови во бременост: резултати од мултинационално испитување. BMC Complement Altern Med 2013, 13, 355-365.

⁵. Витаминот Б6 е ефикасна терапија против мачнина и повраќање во бременост: Рандомизирана, двојно-слепа, плацебо-контролирана студија. Obstet Gynecol 1991, 78, 33-36.

⁶. Пиридоксин против мачнина и повраќање во бременост: Рандомизирано, двојно-слепо, плацебо-контролирана студија. Аm J Obstet Gynecol 1995, 173, 881-884.

⁷Ефектите на екстракт од ѓумбир при мачнина предизвикана од бременост: Рандомизирана, контролирана студија. Aust NZ J Obstet Gynaecol 2003, 43, 139-144.

⁸Рандомизирана споредба на ѓумбир и витамин Б6 при третман на мачнина и повраќање во бременост. ЈМАТ 2003, 86, 846-853.

⁹Рандомизирано, контролорано испитување за третман на мачнина и повраќање во бременост со ѓумбир. Obst Gyn 2004, 103, 639-645.

¹⁰Споредба на ефикасноста на ѓумбирот и витаминот Б6 за третман на мачнина и повраќање во рана бременост: Рандомизирано, двојно-слепо, контролирано испитување. ЈМАТ 2007, 90, 15-20.

¹¹Споредба на ѓумбир и витамин Б6 за третман на мачнина и повраќање во бременост: Рандомизирано, контролирано испитување. Midwif 2009, 25, 649-653.

¹²Плацебо-контролирано испитување на орален пиридоксин при хиперемесис гравидарум. Gynecol Obstet Invest 2009, 67, 151-157.

¹³Споредба на ефикасноста на витамин Б6 и ѓумбир во третман на мачнина и повракање предизвикани од бременост Obst Gyn Int 2013, 2013:927834.

¹⁴Преглед базиран на докази за безбедноста и ефикасност на фармаколошката терапија против мачнина и повраќање во бременост. Аm J Obstet Gynecol 2002, 186, S256-261.

¹⁵Мачнина и повраќање во рана бременост BMJ Clin Evid 2014, 03:1405.

¹⁶Достапно на: www.acog.org

¹⁷Третман против хиперемесис гравидарум и мачнина и повраќање во бременост: Систематски преглед и економско испитување. Health Technol Assess 2016, 20, 1-268.

¹⁸Фармакопеа на Соединетите Држави. Компендиум на додатоци во исхраната 2015 стр. 1146-1153.

¹⁹Третман на хиперемесис гравидарум со ѓумбир. Eur J Obstet Gynecol Reprod Biol 1991, 38, 19-24.

²⁰Ѓумбир против мачнина и повраќање во бременост: Рандомизирано, двојно-маскирано, плацебо-контролирано испитување. Obstet Gynecol 2001, 97, 577-82.

²¹Сируп од ѓумбир како антиеметик во рана бременост. Altern Ther Health Med 2002, 8, 89-91.

²²Ефикасност и безбедност на ѓумбирот при третман на мачнина и повраќање предизвикани од бременост. Obstet Gynecol 2005, 105, 849-856.

²³Рандомизирана споредба на ѓумбир и дименхиндринат при третман на мачнина и повраќање во бременост. ЈМАТ 2007, 90, 1703-1709.

²⁴Ефикасност на ѓумбирот во превенција на мачнина и повраќање за време на бременост и хемотерапија. Integ Med Ins 2016, 11, 11-17.

²⁵Ефикасност на ѓумбирот врз подвижноста и симптомите на функционална диспепсија. World J Gastroenterol, 2011, 17, 106-110.

²⁶Влијание на составните делови на ѓумбирот врз гастроинтестиналниот тракт: Улогата на холинергичните М3 и серотонергичните 5-НТ3 и 5-НТ4 рецептори. Planta Med. 2011, 77, 973-978.

²⁷Ѓумбирот и неговите лути состојки безконкурентно го инхибираат активирањето на човечките рекомбинантни и вродени 5- НТЗ рецептори на цревни неврони. Neurogastroenterol Motil. 2013, 25, 439-447.

²⁸Ѓумбирот и неговите лути состојки безконкурентно ги инхибираат струите на серотонин врз висцералните аферентни неврони. Kor J Physiol Pharmacol. 2014, 18, 149–53.

²⁹Системски преглед и мета-анализа на ефектите и безбедноста на ѓумбирот при третман на мачнина и повраќање поврзани со бременост. Nutr J. 2014,13, 20-34.

³⁰Ефектите на ѓумбирот при мачнина и повраќање во рана бременост: Мета-анализа. J Am Board Fam Med. 2014, 27, 115-122.

³¹Извештај од испитување за Zingiber officinale. EMEA, 2011, 49 (Достапен на: www.ema.europa.eu/ema/).

³²Достапен на: www.accessdata.fda.gov/scripts/cdrh/cfdocs/cfcfr/CFRSearch.cfm?fr=182

³³Ефикасност и безбедност на ѓумбир при мачнина и повраќање предизвикани од бременост: Систематски преглед. Women Birth 2013, 26, е26-30.

³⁴Зголемување на лачењето на жолчката преку екстракт од артичока. Phytomed 1994, 1, 107-115.

³⁵Извештај од испитување на Супагa scolymus EMEA 2011, 41 (Достапен на: www.ema.europa.eu/ema/).

³⁶Artischockenblätterextrakt-aktuelle erkenntnis zur wirkung als lipidsenker und antidyspeptium. Dtsch Apoth Ztg 1996, 136, 1405-1414.

³⁷Неодамнешни откритија укажуваат на ефекти на екстрактот од лист од артичока врз метаболизмот на липидите, црниот дроб и гастроинтестиналниот тракт. Phytomed 1997, 4, 369-378.

³⁸Долгорочна администрација на екстракт од артичока против симптоми на диспепсија. Резултати добиени преку испитување со набљудување. Natura Med 1998, 13, 17-26.

³⁹При отворено испитување, екстрактот од лист од артичока ја намалува благата диспепсија. Phytomed 2002, 9, 694-699.

⁴⁰Подобрување на симптомите на диспепсија и квалитетот на живот кај здрави поединци по администрација на екстракт од лист од артичока. Gut 2003, 52, А81.

⁴¹Ефикасноста на екстрактот од лист од артичока при третман на пациенти со функционална диспепсија: Шест неделно, плацебо- контролирано, двојно-слепо, мулти-централно испитување. Aliment Pharmacol Ther 2003, 18, 1099-1105.

⁴²Функционална диспепсија и синдром на раздразнето црево: Ефекти на третман со екстракт од лист од артичока; плацебо- контролирано, рандомизирано, мулти-централно испитување. Gastroenterol 2003, 124, A182.

⁴³Екстрактот од лист од артичока ги намалува симптомите на синдромот на раздразнето црево и го подобрува квалитетот на живот кај здрави волонтери кои патат од конкоминантна диспепсија: Анализа на подгрупа. J Alternat Complement Med 2004, 10, 667-669. 

⁴⁴Ефектот на додатоци од ѓумбир и артичока врз функционалната диспепсија: Рандомизирано, двојно-слепо и плацебо-контролирано клиничко испитување. Evid Based Complement Alternat Med 2015 915087.

⁴⁵Пореметувања на гастроинтестиналната подвижност во бременост. Аnn Int Med 1993, 118, 366-75.

⁴⁶Третман на гастроезофагеален рефлукс за време на бременост и лактација: Кои се најбезбедните терапевтски опции? Drug Saf 1994, 19 325-337.

⁴⁷Управување со горушица во бременост. Aliment Pharmacol Ther 2005, 22, 749-757.

⁴⁸Гастроезофагеална рефлуксна болест во бременост. Best Prac Res Clin Gastroenterol 2007, 21, 793-806.

⁴⁹Планирана лонгитудинална кохорт-студија: Развој на симптоми на гастроезофагеален рефлукс за време на бременост. ВМС Gastroenterol 2012, 12, 2-7.

⁵⁰Квалитетот на живот поврзан со здравјето кај бремени жени со жиговина и регургитација. Arq Gastr 2015, 52, 100-104.

⁵¹Мачнина и повраќање во бременост. Am Fam Physician 2014, 89, 965-970.

⁵²Влијанието на горушица и киселински рефлукс врз сериозноста на мачнината и повраќањето во бременост. Can J Gastroenterol 2009, 23, 270-272.

⁵³Тешкотијата од мачнина и повраќање за време на бременост. Резултати од попречно испитување. BMC Pregnancy and Childbirth 2017, 17:75.

⁵⁴Влијанијата на фармако-терапија за намалување на киселини врз сериозноста на мачнината и повраќањето во бременост. Obstet Gynecol Int 2009, 2009:585269.

⁵⁵Симптоми на гастроезофагеален рефлукс за време и по бременост: лонгитудинално испитување. Am J Gastroenterol 2007, 102, 2395-2400.

⁵⁶Поврзаност на горушица во текот на бременост со ризик од гастроезофагеална рефлуксна болест. Clin Gastr Hepatol 2007, 5, 1035-1039.

⁵⁷Преглед статија: Формулација на алгинат слој при третман на жиговина и киселински рефлукс. Aliment Pharmacol Ther 2000, 14, 660-690.

⁵⁸Рандомизирана клиничка студија: ослободување од горни гастроинтестинални симптоми преку алгинска киселина која ја таргетира преградата/антацид А-двојно слепа, плацебо-контролирана, пилот студија за гастроезофагеална рефлуксна болест.

⁵⁹Достапно на www.accessdata.fda.gov/scripts/cdrh/cfdocs/cfcfr/CFRSearch.cfm?fr=184.1724