ZENTIVA Персен, 40 таблети
Опис на производот
Zentiva Персен е традиционален хербален лек од растително потекло.
- Содржи комбинација на сув воденоетанолен екстракт од корен на валеријана и сув екстракт од листови на мелиса и нане
- Традиционално е познато дека коренот на валеријана и листот на мелиса имаат смирувачко дејство, а листовите на мелиса и нане имаат ублажувачко дејство врз слабите гастроинтестинални тегоби
- Персен традиционално се употребува при умерени состојби на напнатост и немир предизвикани од стрес и за олеснување на заспивањето
Пакување: 40 таблети.
Содржина
Состав: една таблета содржи: 35 мг сув воденоетанолен екстракт од корен на валеријана-Valeriana officinalis L., radix, extractum hydroalcoholicum siccum (4-7:1); растворувач за екстракција: 70% (V/V) етанол, 17.5 мг сув екстракт од листови од мелиса-Melissa officinalis L., folium, extractum siccum (3-6:1); растворувач за екстракција: 50% (V/V) етанол и 17.5 мг сув екстракт од листови на нане-Mentha Piperita L., folium, extractum siccum (3-6:1); растворувач за екстракција: 40% (V/V) етанол.
Помошни состојки:
Јадро: течна глукоза, малтодекстрин, колоидна анхидридна силика, арома на нане, лактоза монохидрат, микрокристална целулоза, пченкарен скроб, кросповидон, талк, магнезиум стеарат.
Обвивка: хипромелоза, кармелоза натриум, повидон, сахароза, колоидна анхидридна силика, калциум карбонат, глицерол, талк, монтагликолен восок, железо оксид-кафен (Е172), титаниум диоксид (Е171).
Употреба:
Возрасни и адолесценти над 12 години:
- При состојба на стрес, напнатост и раздразливост се препорачува да се земаат по три обложени таблети, трипати на ден
- За полесно заспивање се препорачува да се земат три обложени таблети половина час до еден час пред спиење
Таблетите се голтаат со течност (чаша вода), независно од оброците.
Дејството на Персен се манифестира постепено. За да се постигне оптимален терапевтски ефект, потребно е таблетите континуирано да се земаат најмалку 14 дена. Ако состојбата не се подобри или се влоши по 14 дена од употребата на Персен, потребно е да се консултирате со Вашиот лекар. Времетраењето на лекувањето не е ограничено. По долготрајна употреба на Персен во препорачаните дози, не се јавува зависност ниту апстиненцијални симптоми.
Предупредување: ако сте преосетливи на корен од валеријана, лист од мелиса, лист од нане или било која друга помошна состојка, не го употребувајте лекот. Пациентите со желудочно езофагусен рефлукс (ждригавица) треба да избегнуваат листови од нане бидејќи може состојбата да им се влоши (да им се зголеми ждригавицата). Посебна претпазливост е потребна кај пациенти кои страдаат од камен во жолчка или други нарушувања на жолчката и жолчните канали. Поради недостиг на податоци за безбедност и ефикасност на Персен, не се препорачува негова употреба кај деца помали од 12 години. Од безбедносни причини, не се препорачува истовремено земање на капсулите со алкохолни пијалоци. Капсулите земајте ги со течност (чаша вода), независно од оброците. Ако сте бремени или доите советувајте се со Вашиот лекар или фармацевт пред да земете било каков лек. Безбедната употреба на Персен во тек на бременост и доење не е утврдена. Како мерка на претпазливост, не се препорачува да се употребува за време на бременост и доење. Земањето на Персен може да ја наруши способноста за возење и ракување со машини. Поради тоа, доколку сте земале од лекот, не се препорачува возење или ракување со машини. Персен форте капсулите содржат лактоза, сахароза и течна глукоза. Ако Ви е кажано од Вашиот лекар дека не поднесувате некои шеќери, пред да го употребите овој хербален лек контактирајте го лекарот. Не се препорачува истовремена употреба со синтетички седативи (на пример, бензодиазепини) и таа е оправдана само под надзор на лекар. Ако имате впечаток дека ефектот на Персен е премногу силен или премногу слаб, посоветувајте се со Вашиот лекар или фармацевт. Ако сте земале поголема доза одколку што треба, веднаш треба да се посоветувате со Вашиот лекар или фармацевт. Ако сте заборавиле да земете Персен, не земајте двојна доза да ја надоместите пропуштената. Поединечна доза од приближно 20 г корен од валеријана (еквивалентно на околу 103 таблети Персен) може да предизвика симптоми како што се: замор, стомачни грчеви, стегање во градите, зашеметеност, тремор на рацете и мидријаза. Овие симптоми се повлекуваат во тек на 24 часа. Доколку не исчезнат и после 24 часа, потребно е веднаш да се консултирате со Вашиот лекар.
Да се чува на температура до 25°C, заштитен од влага. Да се чува на места недостапни за деца.
