BOSNALIJEK Пилфуд 5% лосион 60 мл
Опис на производот
Пилфуд 5% спреј за кожа, раствор кој припаѓа на групата лекови така наречени анти-алопетици (лекови кои го стимулираат растот на косата). Лекот се употребува за третман на андрогена алопеција кај мажи на возраст од 18-65 години, затоа што тој го превенира понатамошното губење на коса и го помага повторниот раст на косата.
Производот содржи миноксидил, за кој се смета дека го подобрува дотокот на крв до клетките од кои растат влакната.
Пилфуд 5% растворот најдобро делува кај мажи на кои им опаѓа косата од скалпот. Почетокот на ефектот и степенот на раст на косата може да варираат помеѓу корисниците. Обично на третманот со Пилфуд 5% растворот подобро реагираат помладите пациенти, оние кои пократок временски период имаат проблеми со опаѓање на косата и оние кај кои е зафатена помала површина на главата. Терапијата со лекот Пилфуд 5% веројатно нема да ви помогне ако повеќе години сте без коса или ако со опаѓање на косата е зафатена поголема површина на главата.
Наследниот губиток на коса може да се препознае по:
- Начинот на опаѓање на косата
- Почетокот е постепен а потоа состојбата напредува
- Постои фамилијарна историја на ќелавост
- Нема други симптоми кои би можеле да се поврзат со опаѓањето на косата.
Пакување: 60 мл
Содржина
Состав: 1 мл Пилфуд 5% содржи 50 мг миноксидил.
Помошни супстанци: пропиленгликол, етанол 96%, прочистена вода.
Употреба:
Пилфуд лосионот се употребува наутро и навечер на суви места. Се нанесува по 1 мл и се трие од средината кон краевите на кожата. Откако ќе се постигне саканиот ефект дозата се намалува на доза за одржување: 1 мл 1-2 пати неделно.
Немојте да го употребувате пилфуд:
- Ако сте алергични на активната супстанција или било која од помошните состојки
- Ако имате заболувања на кожата на главата вклучувајки псоријаза или опекотини од сонце
- Ако имате феохромоцитом
- Ако имате висок крвен притисок без разлика дали примате лекови за негово лекување
- Ако истовремено примате некој друг лек за локална примена на површината на скалпот
- Посебно информирајте го вашиот доктор ако истовремено земате некој од следните лекови:
- Лекови кои се нанесуваат на кожата, а содржат кортикостероиди, третиноин, дитранол или вазелин бидејќи тие може да ја зголемат ресорпцијата на миноксидил.
- Гванетидин
Не се препорачува примена на пилфуд лосион за време на бременост или доење иако нема докази за несакани ефекти предизвикани со миноксидил за време на бременост.
