Црвена топла трпеза. Лесен и брз, а сепак здрав оброк за зимските денови. За екстра затоплување додадете лут зачин.
Состојки:
- 1 кромид, ситно исечкан
- 5 чешниња лук, ситно исечкани
- 1 морков, исечкан
- 1 компир, излупен и исечкан
- 150 г црвена леќа
- 500 мл супа од зеленчук
- 75 г доматно пире
- 5 г црвен пипер
- 15 г суво нане
- 1 ловоров лист
- 30 мл масло за готвење
- сол и бибер по вкус
Начин на подготовка:
Во загреано тенџере со масло се пржи кромидот до омекување. Потоа се додаваат исечканиот лук и доматното пире за состојките да се соединат. Следно ги додавате компирот и морковот, а по 2 минути црвената леќа, на крај ја додавате готовата супа од зеленчук 500 мл. Ја мешате и оставате чорбата да се свари околу 30тина минути. Потоа ги вадите морковот и компирите и ги блендирате/пасирате во густа смеса која ја враќате во тенџерето. На крај ги додавате зачините и оставате да се соедини уште 5 минути. Ја послужувате во топла варјанта за стоплување во зимските денови. Совршено одговара со сите сезонски салати!