GOOD NATURE Бел синап 100 г

GOOD NATURE Бел синап 100 г
72,00 ден.
0
Производот сѐ уште не е оценет
Бренд
Шифра
023055C
favorite_border

Во моментов услугата за достава е достапна само во град Скопје

Опис на производот

Семето од синап (Sinapis semen) содржи масни масла, белковини, слузи, ензим мирозин, синалбин, синалбозид од каде што потекнува лутиот вкус на семето. Под влијание на ензимот мирозин и во присуство на вода синалбозидот се разложува на синанин и други состојки.

Најчеста примена наоѓа како ефикасно средство за искашлување, сам или во комбинација со други билки (ленено семе, корен од бел слез и семе од анасон). Билната мешавина од корен од бел слез, ленено семе, бел синап и сладок анасон помага за олеснување на искашлувањето. Се препорачува при заболувања на дишните патишта коишто се придружени со продуктивна кашлица и отежнато исфрлање на секрет. Оваа мешавина го помага излачувањето на густата слуз од бронхиите, разводенувајќи го секретот, помага за олеснување на искашлувањето и смирување на надразнетата и воспалена слузница.

Нето-тежина: 100 г

Семето е тркалезно со рамна површина, бледожолтеникава боја, со лут вкус и без мирис. Кога ќе се потопи во вода набабрува и ослободува доста слуз, којашто потекнува од надворешниот слој на семената обвивка. Сомелено семе од синап доколку се помеша во вода дава жолта емулзија со многу лут вкус, без мирис, бидејќи производот од хидролиза на синалбозидот не ветрее и не дава етерно масло. Ако се џвака в уста, семето многу пече.

Содржина

Употреба:

Четири супени лажици од оваа мешавина се прелива со еден литар ладна вода и се остава да врие до добивање на половина литар течност. За деца, чајот се подготвува со 4 мали лажички од мешавината. Свежо подготвениот чај се процедува. Подготвениот половина литар чај се пие во текот на целиот ден. Се препорачува користење на чајот до престанување на симптомите на кашлица.

Поради изразено лутиот вкус, може да се употребува и надворешно, како рубефациенс, средство коешто предизвикува црвенило на кожата (ја поттикнува периферната циркулација), за масирање и загревање на болните места.

Чај од цело зрно синап се препорачува и против тврда столица, механичко делување коешто се должи на присуството на слуз. Една супена лажица се прелива со 250 мл вода и се остава да врие 5-10 минути во покриен сад со повремено промешување. По отстојување уште 10 минути се процедува и се пие пред оброк.

Белиот синап се користи како одлично средство за конзервирање на намирници. Храната е одлично зачувана, а истовремено конзервансот е вкусен и не е штетен. Во домаќинството се користи како зачин и за подготовка на сенф.

Мислења на потрошувачи

Споделете го вашето искуство со овој производ!
Регистрирај се / Најави се