PK BENELUX Уримил плус, 30 капсули

Корисни информации:

Болка во половината, грбот или екстремитетите може да се должи на:

• Повреди (пад, удар, дислокација и др.)
• Хируршки операции
• Воспалителни или заразни болести (грип, вирусни инфекции и др.)
• Други заболувања (дегенеративни промени, стеснување на ‘рбетниот канал, спондилолистеза, остеопороза, блокади, проекциона болка при заболувања на внатрешните органи, онколошки заболувања, дијабетес, недостатоци во исхраната, токсични агенси и лекови)

Едни од најчестите заболувања на периферниот нервен систем се:

• Ишијас
• Лумбаго
• Дископатија
• Цервикален радикулит
• Интеркостална невралгија
• Плексити

Периферниот нервен систем (ПНС) е продолжение на централниот нервен систем (ЦНС), кој го сочинуваат мозокот и ‘рбетниот мозок. Главната функција на периферниот нервен систем е да го поврзе ЦНС со екстремитетите и со органите на телото. За разлика од ЦНС, ПНС не е заштитен со коскено ткиво (череп и ‘рбет) како што е случај со мозокот и ‘рбетниот мозок и е подложен на оштетување.

Нервните клетки се најмалите структурни единици на нервниот систем. Нивниот број е околу 100 милијарди, при што секој неврон е поврзан со најмалку 10.000 други. Невроните во нервниот систем варираат по форма и големина, но структурата им е слична. Невронот се состои од тело и продолжетоци. Едниот од продолжетоците, наречен аксон, е подолг од другите и е покриен однадвор со посебна миелинска обвивка, која игра улога на изолатор при пренесување на нервниот импулс. Преку аксонот, клетката испраќа информации до останатите клетки.