REPLEK Оперил Капки за нос 0.5 мг/1 мл, 10 мл
Опис на производот
Replek Operil 0.5 мг/1 мл Капки за нос, раствор. Оперил содржи оксиметазолин, кој се користи како назален деконгестив.
- За возрасни и деца над 7 години
Стеснувајќи ги артериолите, тој ги намалува отокот на носната слузница и секрецијата од носот. На тој начин се олеснува дишењето преку нос, се отвораат назалните и параназалните празнини (синуси) и Евстахиевата туба и се ублажуваат придружните знаци на настинката. Го скратува времетраењето на обичната настинка за една третина (два дена) кај пациентите над 12 години.
- Оперил почнува да дејствува по неколку минути, а неговото дејство трае до 12 часа
- Оксиметазолин, исто така, има противвоспалително и антиоксидативно дејство
- Оперил има антивирусно дејство врз одредени вируси кои, главно, предизвикуваат респираторни болести
Оперил се користи за:
- Акутна кивавица при настинка
- Кивавица поради алергии
- Риносинузитис
- Воспаление на средното уво (otitis media), за подобрување на функцијата на Евстахиевата туба
Пакување: 10 мл.
Содржина
Активна супстанција: оксиметазолин хидрохлорид.
Помошни супстанции: бензалкониум хлорид, натриум хидроксид, натриум дихидрогенфосфат дихидрат, динатриум фосфат дихидрат, вода за инјекции.
Еден мл Оперил 0,5 мг/мл капки за нос, раствор содржи 0,5 мг оксиметазолин хидрохлорид, што одговара на 0,44 мг оксиметазолин.
Една капка (0,04 мл) содржи 0,02 мг оксиметазолин хидрохлорид.
Употреба:
Возрасни и деца над седум години: капнете една до две капки на Оперил 0,5 мг/мл во секоја носница два-три пати на ден. Главата треба да биде наведната наназад, дишењето нормално.
Максималната дневна доза на Оперил 0,5 мг/мл во секоја носница треба да биде две капки три пати дневно. Не треба да се зголемува пропишаната доза.
За самолекување Оперил не треба да се користи подолго од пет до седум дена.
Ако симптомите сè уште постојат или дури се влошуваат по три дена употреба треба да се консултирате со лекар, кој може да одреди подолг третман.
Капките за нос се наменет само за еден пациент. Употребата на едно шишенце за повеќе од еден пациент може да предизвика или да рашири инфекција. По употреба избришете ја вградената капалка со чисто марамче.
Мерки на претпазливост: Немојте да го употребувате лекот Оперил, ако сте алергични (пречувствителни) на оксиметазолин или на која било од другите состојки во лекот; имате суво воспаление на носната слузница со красти (атрофично воспаление на носната слузница).
Бидете особено внимателни со Оперил, ако имате: хронична срцева инсуфициенција, висок крвен притисок (хипертензија), неправилен срцев ритам (срцеви аритмии), зголемен интраокуларен притисок (глауком со тесен агол), зголемена простата (хипертрофија на простата), порфирија, дијабетес мелитус, зголемена активност на тироидната жлезда (хипертиреоидизам). Во овие случаи лекот може да се употребува само под надзор на лекар. Ве молиме да се посоветувате со лекар и тогаш кога горенаведените укажувања се однесувале на Вас кога било во минатото. Доколку сте бремени или доите не смеете да го употребувате Оперил за самолекување. Оперил може да се употребува за време на бременост и на доење само доколку е препорачан од лекар. Ве молиме да го информирате Вашиот лекар или фармацевт ако земате или ако неодамна сте земале кој било друг лек, дури и оние што не се на лекарски рецепт.
Лекот не треба да се употребува кај деца помали од седум години.
Треба да се избегнува пролонгирана или прекумерна употреба на Оперил. Ако сте заборавиле да земете Оперил не земајте двојна доза за да ја надоместите пропуштената. Се препорачува лекот да го употребите веднаш штом ќе се сетите
Кога оксиметазолинот ќе се апсорбира поради предозирање или несоодветна употреба, неговото дејство врз крвниот притисок може да се зголеми кај пациентите кои истовремено земаат лекови за подобрување на расположението при депресија (трициклични антидепресиви или мапротилин). Кај пациентите кои истовремено примаат МАО инхибитори за олеснување на депресијата може да се појават дури и хипертензивни кризи (висок крвен притисок (> 180/110 mm/Hg), сериозна главоболка, болка во градите, чувство на недостиг на воздух, потење).
Лекот содржи бензалкониум хлорид и поради тоа може да предизвика кожни реакции.
Лекот чувајте го на места недостапни за деца. Да се чува на температура до 25ºС.