Ќофтиња од тиква, органски наут и ф’стаци
Мешунките на Probios се готови веднаш да се консумираат и да бидат искористени за разни рецепти.
За сите оние кои не се љубители на месо, или можеби сакаат да пробаат рецепт без месо, за промена ви нудиме еден прекрасен вегански рецепт- ќофтиња од тиква 
, органски наут од Probios и ф’стаци.
Потребни состојки:
- 400 г тиква, исчистена
- 250г варен органски наут
- 50г ситно сецкани ф’стаци
- 30г брашно од наут (го препорачуваме фино меленото безглутенско брашно од наут од Doves Farm)
- 2 чешниња лук
- 10 листови од жалфија
- 2 ловорови листови
- Балсамиран оцет (Балсамираните оцети од Harmonica се одличен избор)
- Ладно цедено маслиново масло (топло ви ги препорачуваме маслата на Joe&Co, кое и да го одберете нема да згрешите)
- Сол и бибер по потреба
Подготовка:
Исечете ја пулпата на тиквата на коцки и измерете 340г. На загреано масло пропржете ги листовите од жалфија 1 минута, а потоа додадете ја тиквата, ловоровиот лист, солта и биберот. Добро мешајте и гответе на средна температура додека тиквата не омекне, додавајќи малку врела вода доколу е потребно.
Отстранете ги ловоровите листови и жалфијата, оставете само 2-3 листа жалфија и ставете ги заедно со тиквата во процесор за храна. Мешајте додека не добиете целосно хомогена смеса.
Измешајте го наутот со сол и бибер и посипете масло додека смесата не стане целосно мазна. Ставете ја блендираната тиква во сад заедно со наутот, зачинете со сол и бибер и измешајте ги со брашното од наут и мелен лук. Мешајте добро, додека не добиете рамномерна смеса.
Оформете ќофтиња го големина на орев и поминете ги со исечканите ф’стаци. Потоа ставете ги на хартија за печење. Попрскајте ги со масло и испечете ги во претходно загреана рерна на 200 степени околу 20 минути, додека ќофтињата не добијат златна боја.
Сервирајте ги со микс од салати и попрскани со глазура од балсамиран оцет.
На здравје!
